საქართველოს პარლამენტის პლენარულ სესიაზე ირაკლი კობახიძის არყოფნის გამო, ოპოზიცია სესიის ამ ნაწილის გადადებას მოითხოვს. საპარლამენტო უმცირესობის მიერ აღნიშნული მოთხოვნის დაყენებამდე, ანალოგიური მიმართვით გამოვიდა საპარლამენტო უმრავლესობის წევრი, ლევან კობერიძე, თუმცა ვიცე სპიკერი, ზვიად ძიძიგური განხილვის გაგრძელების მომხრეა.
რაც შეეხება ირაკლი კობახიძეს, ის შეხვედრაზე იმყოფება. საქართველოს პარლამენტის პრესსამსახურმა აღნიშნული შეხვედრის შესახებ გუშინ დააანონსა. მისი მიხედვით, 17:00 საათზე გაიმართება საქართველოს პარლამენტის თავმჯდომარის, ირაკლი კობახიძის შეხვედრა დიპლომატიური კორპუსის, არასამთავრობო ორგანიზაციების და სასამართლო ხელისუფლების წარმომადგენლებთან, უზენაესი სასამართლოს მოსამართლეობის კანდიდატთა შერჩევის პროცედურასა და კრიტერიუმებთან დაკავშირებით.