ცხვრებივით გვითვლიან – ფოფხაძე

არ მომწონს, რომ გვითვლიან, შეურაცხყოფილი ვარ – ასე უპასუხა გედევან ფოფხაძემ შეკითხვას იმის შესახებ, თუ ვის აქვს კიდევ განსხვავებული პოზიციები მმართველ გუნდში და რამდენია ასეთი დეპუტატი?

“მე არ მომწონს, რომ ჩვენ გვითვლიან – ვინ არის ამ აზრზე, რამდენია ამ აზრზე – არ მინდა, რომ ჩვენ როგორც ცხვრებს, ისე გვითვლიდნენ და ჩვენ მართლა ასე გვითვლიან – მათ შორის პოლიტიკოსები გვითვლიან რაოდენობრივად. რა მოხდა, წავიდა ერთი ადამიანი, წავიდა ორი – მათემატიკური ანგარიშით ხელმძღვანელობენ – არ არის ეს სწორი, ამას არ აქვს მნიშვნელობა. რაოდენობრივ კონტექსტში გადაიყვანო ეკა ბესელია, ან გედი ფოფხაძე, ან ლევან გოგიჩაიშვილი არ არის სწორი. რამდენი ვიქნებით, დროთა განმავლობაში გამოჩნდება, როცა პოლიტიკოსებს პროცესები დაგვანახებს, გაიმარჯვებს იდეები თუ ღირებულებები. თუ ეს მოხდება, ჩვენ ვიქნებით ბევრი, თუ არა-ცოტა”, მაგრამ რაოდება არ უნდა იყოს განმსაზღვრელი. როგორ მიდის პროცესი – პროცესი დღეს ქართულ პოლიტიკაში მიდის რთულად – დალტონიზმამდე მივედით, დალტონიზმი ავადმყოფობაა – მხოლოდ ორ ფერს ვხედავთ, არადა სამყაროში გაცილებით ბევრი ფერია”,ამბობს ფოფხაძე.