TV 25-ის საინფორმაციო სამსახურის უფროსი სულხან მესხიძე აჭარის მთავარ სამმართველოში დღეს 12 საათზე დაიბარეს. საქმე ეხება მუქარის ფაქტს, რომელიც საინფორმაციო სამსახურის უფროსის მტკიცებით, მის მიმართ ღურტას საბავშვო ბაღის ყოფილი გამგის მხრიდან ხორციელდება.
სულხან მესხიძე აცხადებს, რომ მუქარა მის პროფესიულ საქმიანობას უკავშირდება.
TV 25-ის საინფორმაციო გამოშვება “მაცნეში” გასული სიუჟეტის შემდეგ ღურტას საბავშვო ბაღის გამგე მედეა მამულაძე სამსახურიდან გაათავისუფლეს. როგორც სულხან მესხიძე ამბობს, მედეა მამულაძე თავდაპირველად მუქარას მაუწყებლის ჟურნალისტზე ეკა ბარამიძეზე ახორციელებდა, მოგვიანებით კი იგი მას და მის ოჯახის წევრს ფიზიკური ანგარისწორებით ემუქრებოდა.
საქმეზე შინაგან საქმეთა სამინისტრომ გამოძიება მუქარის მუხლით დაიწყო.
