ბრიტანეთის მთავარი ვეტერინარის განცხადებით ქვეყანაში პირველად კორონავირუსი შინაურ კატას გამოუვლინდა. ამის შესახებ სამთავრობო საიტი gov.uk წერს.
ბრიტანეთში ეს არის ცხოველებს შორის კორონავირუსის პირველი დადასტურებული შემთხვევა, თუმცა არ არსებობს არანაირი მტკიცებულება, რომ ცხოველმა პატრონიც დააინფიცირა, ან შინაურ ცხოველს შეუძლია ვირუსი ადამიანებს გადასცეს.
არსებული მონაცემებით კატა კორონავირუსით პატრონისგან დაინფიცირდა, რომლებსაც covid19-ის ტესტმა დადებითი შედეგი უჩვენა.
კატა და მისი პატრონები მას შემდეგ სრულად გამოჯანმრთელდნენ, იმავე სახლში მცხოვრები სხვა ცხოველები და ადამიანები არ დაინფიცირებულან.