9 აპრილს დაღუპული თამარ ჭოველიძის მამამ პრეზიდენტის მიღება პროტესტის ნიშნად დატოვა. ამის მიზეზი ის გახდა, რომ სალომე ზურაბიშვილს სიტყვით გამოსვლისას და ცხრა აპრილს დაღუპულთა გვარების ჩამოთვლისას თამარ ჭოველიძის გვარი არ უხსენებია.
როგორც თამარ ჭოველიძის მამა ამბობს, შეხვედრა სწორედ იმის გამო დატოვა, რომ პრეზიდენტმა მისი შვილის არც გახსენებია.
„როგორ რატომ მივდივარ? ჩემი შვილი არ ახსენეს საერთოდ. თამრიკო ჭოველიძის მამა ვარ მე და წავიდნენ საერთოდ, ვინ არის ეს მართლა… ჯერ ერთი, დაგვიძახეს, სკამი არ იყო, პუჩისტები ჰყავდათ დამსხდარი იქ და მეორე კიდევ, ჩემი შვილი თუ არ ახსენეს, რისთვის დაგვიძახეს. მე ვინ ვარ, არავინ ვარ ცხოვრებაში, მე არც 9 აპრილს ვყოფილვარ, აქ არ ვიყავი საერთოდ და ჩემი შვილი საერთოდ არ ახსენეს. მე რა ვიცი, რატომ არ ახსენეს, რამე დავაშავეთ, ეტყობა, ჭოველიძეებმა,“ – უთხრა ჭოველიძის მამამ რუსთავი2–ის ჟურნალისტს ავლაბრის სასახლის დატოვებისას.
16 წლის თამარ ჭოველიძე 2009 წლის 9 აპრილის ღამეს დაიღუპა.
თავად პრეზიდენტმა მიღება ისე დატოვა, რომ ინციდენტის შესახებ კომენტარი არ გაუკეთებია.
