უკრაინა მოუწოდებს მექსიკას, დააკავონ რუსეთის პრეზიდენტი, ვლადიმერ პუტინი, თუ ის პრეზიდენტ შეინბაუმის ინაუგურაციას დაესწრება.
მექსიკის პირველი ქალი პრეზიდენტის კლაუდია შეინბაუმის ინაუგურაცია 1-ელ ოქტომბერს გაიმართება. შეინბაუმის ინაუგურაციაზე დასასწრებად მექსიკამ ვლადიმერ პუტინს მიწვევა უკვე გაუგზავნა.
გასული წლის მარტში, სისხლის სამართლის საერთაშორისო სასამართლომ (ICC) ვლადიმერ პუტინის დაკავების ორდერი გასცა. ორდერის მიხედვით, ჰააგის სასამართლოს წევრი 123 სახელმწიფოდან ნებისმიერს ეკისრება ვალდებულება, რომ მათ ტერიტორიაზე ყოფნის შემთხვევაში პუტინი დააკავონ და სისხლის სამართლის საერთაშორისო სასამართლოს გადასცენ. ეს ვალდებულება ეკისრება მექსიკასაც, რომელმაც ვლადიმერ პუტინი ინაუგურაციაზე მიიწვია.