ფინეთის პრეზიდენტი, ალექსანდრ სტუბი მოქალაქეებს აფრთხილებს, მოემზადონ რუსულ დრონებთან დაკავშირებული ინციდენრებისთვის და ჰიბრიდული თავდასხმებისთვის.ამის შესახებ მან MTV-სთან ინტერვიუში ისაუბრა. პრეზიდენტმა აღნიშნა, რომ წლის დასაწყისიდან ფინეთის ტერიტორიაზე ოთხი დრონი ჩამოვარდა და ხაზი გაუსვა, რომ საზოგადოება მზად უნდა იყოს მსგავსი შემთხვევებისთვის
„პირველი ტიპი არის კინეტიკური ომი, რომელსაც ამჟამად ვხედავთ უკრაინასა და რუსეთს შორის“, – განაცხადა სტუბმა და აღწერა უკრაინაში რუსეთის სრულმასშტაბიანი შეჭრის დინამიკა. „მეორე კი ჰიბრიდული ომია, რომელსაც რუსეთი ევროპის წინააღმდეგ აწარმოებს.“
მათივე ცნობით, გაფრთხილების მიუხედავად, ფინეთის ლიდერმა ხაზგასმით აღნიშნა, რომ პანიკის საფუძველი არ არსებობს. მისი თქმით, ფინეთის თავდაცვის ძალებმა და მთავრობამ უკვე გაამკაცრეს უსაფრთხოების ზომები ჰიბრიდული საფრთხეებისა და უპილოტო საფრენი აპარატების საწინააღმდეგოდ. MTV-სთან ინტერვიუში სტუბმა საზოგადოებას ურჩია, შეინარჩუნონ სიმშვიდე, კრიტიკული თვალით შეაფასონ ახალი ამბები და თავი შეიკავონ ყოველ საგანგაშო ცნობაზე გადაჭარბებული რეაგირებისგან