„მექანიკური შეცდომა“, „ტექნიკური შეცდომა“, „ალბათ, ინერციით მიაჭირეს“ – ასე ხსნიან უმრავლესობის დეპუტატები 16 კოლეგის მიერ გახარიას პარტიის ინიციირებული კანონპროექტის მხარდაჭერას.„ოცნების“ წევრმა, ირაკლი ზარქუამ TV პირველს დღეს განუცხადა, რომ დეპუტატებს ღილაკები არ არევიათ, იყო ტექნიკური ხარვეზი, ზოგი კი, შესაძლოა, კენჭისყრის დროს უყურადღებოდ იყო.
„არ არევია, იქ იყო საუბარი, რომ ზოგი რაღაც საუბრობდნენ ტელეფონზე და უყურადღებოდ, მაგრამ ამავე დროს იყო ტექნიკური ხარვეზი.მაგალითად, ბატონი კირცხალია საერთოდ არ იჯდა და როგორ აღმოჩნდა? თავიდან ვიფიქრეთ, ოპოზიციამ ხომ არ იეშმაკა-თქო… ამ კვირაში რაღაც ახალი პროგრამა შემოიტანეს. შეცდომა მოსულა. ვიღაცას ინერციით, ალბათ, ტელეფონზე რო საუბრობდნენ, მიეჭირა“, – უთხრა ზარქუამ TV პირველს.
ინიციატივა, რომელიც აქციებთან დაკავშირებულ კანონმდებლობაში 2024 წლამდე არსებული სამართლებრივი მდგომარეობის აღდგენას გულისხმობს, ჩავარდა, თუმცა კენჭისყრაზე მის სასარგებლოდ ხმა 28 დეპუტატმა მისცა. ფრაქცია „საქართველოსთვის“ შემადგენლობაში კი 12 დეპუტატია.