“ომს არ ვაგებთ, მაგრამ რუსეთის გამო ხალხს ვკარგავთ “- განაცხადა უკრაინის პრეზიდენტმა, ვოლოდიმირ ზელენსკიმ ოსლოში შეხვედროს შემდგომ გამართულ პრესკონფერენციაზე ჟურნალისტისთვის პასუხის გაცემის დროს.
“რაც შეეხება იმას, ვაგებთ თუ არა ომს – რა თქმა უნდა, ამ ომს არ ვაგებთ, მაგრამ ხალხს ვკარგავთ. რადგან რუსეთი თავს გვესხმის, ხალხსა და დროს ვკარგავთ. ეს დასანანია, რადგან ჩვენი ბავშვები ვერ ხედავენ, არ აქვთ ნამდვილი ცხოვრება და ბავშვობა. ყველა სხვა ადამიანიც. ამიტომ უნდა დავასრულოთ ეს ომი, რაც შეიძლება სწრაფად. იმედი მაქვს, რომ ჩვენი პარტნიორები, ამერიკელები და ევროპელები, დაგვეხმარებიან”. – თქვა ზელენსკიმ.
მან ასევე აღნიშნა, რომ უკრაინა ენერგეტიკულ ობიექტებზე ცეცხლის შეწყვეტას მხარს უჭერს და მზადაა, რუსეთის ენერგეტიკული სექტორის “სენსიტიურ ნაწილებს არ დაარტყას”, თუკი იერიშებს რუსეთიც შეწყვეტს. მისივე თქმით, პუტინმა ამაზე უარი თქვა, თუმცა უკრაინა გამოსავლის ძიებას განაგრძობს.