“”გახარიას პარტია კეკლუცობს და გვაჩვენებს თავს, ვითომ “მე კარგი მონა ვარ”- საქართველოს მეხუთე პრეზიდენტი სალომე ზურაბიშვილი საკონსტიტუციო სასამართლოში პოლიტიკური პარტიების აკრძალვის შესახებ სარჩელის განხილვას დემოკრატიის დასამარების მცდელობად ეხმაურება და აცხადებს, რომ „ქართული ოცნება“ ქვეყნის საერთაშორისო რეპუტაციას ანადგურებს და დამოუკიდებელი ინსტიტუტების ჩამოშლას აგრძელებს.
“დღეს არ არის დრო არც კითხვების და არც პასუხების. დღეს არის დღე სამარცხვინო საქართველოსთვის, საქართველოს სახელმწიფოებისთვის, დღეს არის დღე, როცა ცდილობს “ქართული ოცნება”, რომ დაასამაროს საბოლოოდ დემოკრატია, სახელმწიფო და ჩვენი სურათი მსოფლიოში, იმიტომ, რომ ასეთი სამარცხვინო რამ თანამედროვე პერიოდში არცერთმა ქვეყანამ არ ჩაიდინა, რასაც ჰქვია, ყველა პოლიტიკური პარტიის აკრძალვა და ამ ფორმით ამის აკრძალვა საკონსტიტუციო სასამართლოთი და აღარც ვიცი, რა მდგომარეობაში ჩააყენა “ქართულმა ოცნებამ” საკონსტიტუციო სასამართლო და როგორ ასამარებს თვით საკონტიტუციო სასამართლო, როგორც დაასამარა ყველა დამოუკიდებელი ინსტიტუტი ამ ქვეყანაში. ეს არის ის ძალიან სამწუხარო მდგომარეობა, რაშიდაც ამყოფებს “ქართული ოცნება” ამ ქვეყანას და საერთოდაც აუცილებლად უნდა გამოვიდეთ.
ასევე სამარცხვინოა ის, რომ ერთი პარტია, გახარიას პარტია, რაღაცნირად კეკლუცობს და გვაჩვენებს თავს ვითომ “მე კარგი ვარ, კარგი მონა ვარ” და კიდევ დაგემონებით და ვიქნებით ბოლომდე თქვენი. იმ დროს, როცა ასეთი რამ ხდება, არეც სოლიდარობა, არც გულშემატკივრობა სხვების… რა მნიშველობა აქვს აქ, რომელი პოლიტიკურ პარტიას ეხება, ჩემი გემოვნება-თქვენი გემოვნება აქ არაფერ შუაშია. აქ არის ქვეყნის პრობლემა, ყველას პრობლემა, იმიტომ, რომ ჩვენ სამარცხვინოდ ვჩანვართ დღეს მთელ მსოფლიოში და ამას თუ ხვდება ერთი პარტია და მისი რამდენიმე წარმომადგენელი და თუ მათი ხელფასები და ადგილები მათთის უფრო მნიშვნელოვანია, ვიდრე ქვეყანა, ეს უნდა ვიცოდეთ. ამიტომ ჩვენ, ვინც ვხედავთ სად არის ქვეყნის ინტერესი, სად არის ქვეყანა და არა რომელიმე კონკრეტული პარტია – ჩვენ უნდა ერთად დავდგეტ ყველა. ეს არის ჩვენი გასაკეთებელი”, – განაცხადა სალომე ზურაბიშვილმა.