ორმა ამერიკელმა მეგობარმა, ჯო ფინიმ და ტომ კუკმა 1992 წელს პირობა დადეს: თუ რომელიმე მათგანი Powerball–ის ლატარიას მოიგებდა, მოგებას თანაბრად გაიყოფდნენ. მოლაპარაკება მეგობრებმა მხოლოდ ხელის ჩამორთმევით გაამყარეს.
თითქმის 30 წლის შემდეგ ტომმა მართლაც მოიგო და მეგობართან შეთანხმებაც არ დაივიწყა. ჯო ამბობს, რომ გაოგნდა, როცა ძველმა მეგობარმა მოულოდნელად დაურეკა და შეატყობინა, რომ 22 მილიონიანი ჯეკპოტის ნახევარს აძლევდა.
ორივე მეგობარი ვისკონსინის შტატში ქალაქ მენომონიში ცხოვრობს.
“ვულოცავთ ტომს და ჯოს და მათ ოჯახებს. მეგობრობის და ხელის ჩამორთმევის ძალამ თავისი საქმე გააკეთა. უზომოდ გახარებული ვარ, რომ მათ წარმატება ეწვიათ“– განაცხადა ლატარიის ადგილობრივმა წარმომადგენელმა, სინდი პოლზინმა.
Powerball–ის ლატარიაში ჯეკპოტის მოგების შენსი დაახლოებით 292 მილიონთან ერთია.
მეგობრებმა გადაწყვიტეს მთელი თანხა ერთდროულად აიღონ, ნაცვლად ყოველწლიური გადახდებისა. შედეგად, ფედერალური და ადგილობრივი გადასახადების გამოკლებით თითოეული მათგანი ხელზე 5.7 მილიონ დოლარს მიიღებს.
ტომმა გადაწყვიტა პენსიაზე გავიდეს. ჯო კი უკვე პენსიაზეა. ორივე ამბობს, რომ ახალ იმედი აქვთ ოჯახებთან მეტ დროს გაატარებენ.
ტომმა მომგებიანი ბილეთი მაღაზიაში 2 დოლარად იყიდა.
მარტში ჯეკპოტი ვისკონსინის კიდევ ერთმა მაცხოვრებელმა მოიგო. მაშინ თანხამ 768 მილიონი დოლარი შეადგინა.