შინაგან საქმეთა მინისტრი ვახტანგ გომელაური აცხადებს, რომ ზუგდიდში, საქართველოს ბანკის ფილიალზე თავდასხმაში ბრალდებული ბადრი ესებუას ძებნა შესაძლოა, 1 თვესაც გაგრძელდეს, თუმცა, ეს არანაირი პრობლემა არ არის.
“ერთი კვირა კი არა, შეიძლება 1 თვე ვსდიოთ, ან მეტი ან ნაკლები, ეგ პრობლემა არ არის არანაირი. გვაცადეთ, თქვენი ტელევიზია თუ გვაცდის, ნამდვილად დავაკავებთ”, – განუცხადა მთავარს შს მინისტრმა.
21 ოქტომბერს ცეცხლსასროლი იარაღით და ხელყუმბარით შეიარაღებული თავდამსხმელი ბადრი ესებუა საქართველოს ბანკის ზუგდიდის ფილიალში შეიჭრა. მან 19 მძევალი აიყვანა, გამოსასყიდის სახით კი 500 000 დოლარი მოითხოვა. რამდენიმე საათში მას მომლაპარაკებელმა ფული მიუანა,ის ბანკიდან სამ მძევალთან ერთად შენობიდან გავიდა და ტერიტორიიდან პოლიციის მანქანით წავიდა.
მოგვიანებით თავდამსხმელმა მძევლები გაათავისუფლა და მიიმალა. გუშინ შსს–მ შეიცვალა მუხლები და თავდასხმა ტერაქტად გადაკვალიფიცირდა.