საბერძნეთში 6.2 მაგნიტუდის სიმძლავრის მიწისძვრა მოხდა. მედიის ინფორმაციით, სტიქიის ეპიცენტრი იყო ქვეყნის ცენტრალურ ნაწილში, ქალაქ ელასონადან 20 კილომეტრის მოშორებით, ათენიდან 400 კილომეტრში. მისი სიღრმე 10 კმ იყო.
მიწისძვრის ბიძგები იგრძნობოდა საბერძნეთის მეზობელ ქვეყნებში: ალბანეთში, ჩრდილოეთ მაკედონიაში, კოსოვოსა და მონტენეგროში.
სტიქიურ უბედურებას რამდენიმე განმეორებითი ბიძგი მოჰყვა. ნგრევისა და მსხვერპლის შესახებ ჯერჯერობით ინფორმაცია არ ვრცელდება.