“ადამიანებს, რომლებსაც აქვთ პრეტენზია მართონ ქვეყანა, იმის უნარიც უნდა ჰქონდეთ, რომ რამდენიმე აქტივისტის, თუნდაც არასასიამოვნო პროტესტი, მოისმინონ”- ეს განცხადება პარლამენტის რიგგარეშე პლენარულ სხდომაზე დამოუკიდებელმა დეპუტატმა ლევან გოგიჩაიშვილმა გააკეთა და პარლამენტის თავმჯდომარეს მიმართა, რომ მეორედ მოქალაქეებისთვის საკანონმდებლო ორგანოში შესვლის უფლება აღარ შეეზღუდოთ.
“რაც ბოლო ორი დღის განმავლობაში საპოლიციო რეჟიმი მოქმედება პარლამენტში — ეს არის აბსოლუტურად მიუღებელი. ადამიანებს, რომლებსაც აქვთ პრეტენზია მართონ ქვეყანა, იმის უნარიც უნდა ჰქონდეთ, რომ რამდენიმე აქტივისტის, თუნდაც არასასიამოვნო პროტესტი, მოისმინონ.
ამისდა მიუხედავად, ორი დღის განმავლობაში აკრძალული მქონდა საშვი გამომეწერა და ადამიანები შემოსულიყვნენ. ამას ჰქვია პოლიციური რეჟიმი და ეს არაფერი არ არის, არც დემოკრატია არ არის, არც საპარლამენტო ცხოვრებას უხდება და არც არაფერს უხდება, მით უმეტეს მთავრობის დამტკიცებას შეიარაღებული ადამიანების გარემოცვით. არ შეიძლება ესე, მინდა გთხოვოთ აღარ გააკეთოთ ასეთი რაღაცა. ამას აკეთებდნენ ის ადამიანები, ვინც გგონიათ რომ თქვენი მთავარი ოპონენტები არიან.პარლამენტში შეუძლია შემოვიდეს, ყველას და ნუ შეგვზღუდავთ ძალიან გთხოვთ ჩვენი უფლებამოსილების განხორციელებაში”-განაცხადა გოგიჩაიშვილმა.
