აღდგომის დღესასწაულთან დაკავშირებით, დღეს და ხვალ საზოგადოებრივი ტრანსპორტი გარკვეულ საათებში უფასოდ იმოძრავებს. დადგენილია 8 მარშრუტი საიდანაც მოქალაქეებს უფასო ტრანსპორტს შესთავაზებენ.
27 აპრილს, ღამის 23:00 საათიდან 28 აპრილის 04:00 საათამდე მეტროთი მგზავრობა უფასო იქნება. გახანგრძლივდება სამუშაო დღე 04:00 საათამდე. რაც შეეხება ავტობუსებს, შემუშავდა 8 დამატებითი მარშრუტი, რომელიც მეტროსადგურებიდან სასაფლაოების მიმართულებით იმოძრავებს. ეს მეტროსადგურებია – ვარკეთილი, დიდუბე, სადგურის მოედანი, მარჯანიშვილი, სარაჯიშვილი. ასევე აფრიკის მიმდებარე ტერიტორიიდან დასახლებას მოემსახურება სასაფლაოების მიმართულებით ავტობუსები.
28 აპრილს, დილის 8:00-დან საღამოს 20:00 საათამდე იმუშავებს 60 ერთეულამდე ავტობუსი და 29 აპრილს, 80 ერთეულამდე. მერიის ინფორმაციით ამ მარშრუტებზე მგზავრობა უფასო იქნება.
