ვანდალური ფაქტი ახალქალაქში- სოფელ ხულგუმოსთან მდებარე სამლოცველო დაარბიეს.
დაზიანებულია ხატები. თვითმხილველები აცხადებენ, რომ საეკლესიო ნივთები ძირს ეყარა.
ეს არ არის დარბევის პირველი შემთხვევა, აღნიშნული სალოცავი მანამდეც დაურბევიათ.
გამოძიება სისხლის სამართლის კოდექსის 259-ე მუხლის პირველი ნაწილით დაიწყო, რაც კულტურული მემკვიდრეობის ძეგლების ან სხვა კულტურული მემკვიდრეობის განზრახ დაზიანებას ან განადგურებას გულისხმობს. დანაშაული ჯარიმით ან თავისუფლების აღკვეთით ორ წლამდე ვადით ისჯება.
