საქართველოს დაავადებათა კონტროლის ცენტრის ხელმძღვანელი ამირან გამყრელიძე უნივერსიტეტებს და სკოლებს, სადაც ეს შესაძლებელია, მოუწოდებს, გადავიდნენ ონლაინ-სწავლების რეჟიმზე.
მისივე თქმით, საქართველოში არსებობს ტექნოლოგიური შესაძლებლობა, სხდომები, კონფერენციები და სხვა ღონისძიებები ჩატარდეს ვირტუალურ სივრცეში.
,,განსაკუთრებით უმაღლეს სასწავლებლებს მინდა, რომ ვთხოვო. გავიზიაროთ ის საუკეთესო გამოცდილება, რაც დღეს აქვს ჩინეთს და სხვა რამდენიმე ქვეყანას: როდესაც სწავლების, კონფერენციების თუ სხდომების ორგანიზება გადადის ვირტუალურ , ასე ვთქვათ, ონლაინ-რეჟიმში. მაღალი ტექნოლოგიების განვითარება, როგორც გაძლევთ საშუალებას, ბავშვებთან და სტუდენტებთან კომუნიკაცია გქონდეთ ონლაინ-რეჟიმში”,- ამბობს გამყრელიძე.
ის საზოგადოებას თხოვს, მოერიდონ თავშეყრის ადგილებს.
