სოლიდარობის აქციის მონაწილეები, რომელთაგან ხუთი ცოტა ხნის წინ პოლიციამ ჭავჭავაძის გამზირზე დააკავა, მსვლელობით ჭავჭავაძის გამზირზე, კახი კალაძის სახლთან მივიდნენ. ისინი კალაძესთან შეხვედრას ითხოვენ. მათი მოთხოვნაა კანონმდებლობის სასწრაფოდ შეცვლა იმისათვის, რომ ადამიანები მშენებლობებზე სისტემატურად არ იღუპებოდნენ.
თბილისის მერიამ ცოტა ხნის წინ განცხადება გაავრცელა, რომელშიც აღნიშნული იყო, რომ დედაქალაქის მერი კახა კალაძე მზად არის, უახლოეს დღეებში შეხვდეს აქციის მონაწილეების მიერ შედგენილ რამდენიმეკაციან ჯგუფს, კომპეტენციის ფარგლებში განიხილოს წინადადებები და გააცნოს ის ღონისძიებები, რომელსაც თბილისის მერია შრომის უსაფრთხოების დაცვის კუთხით ახორციელებს.
სოლიდარობის აქცია გუშინ, ჭავჭავაძის 5–ში მიწის მშენებლობაზე მიწის ჩამოშლის შედეგად მიწის ქვეშ მოყოლილი 2 მუშის გარდაცვალების გამოი გაიმართა. აქცია კანცელარიასთან დაიწყო, შემდეგ კი ჭავჭავაძეზე გადაინაცვლა, სადაც აქციის მონაწილეებმა მშენებლობის ღობის გარღვევა სცადეს, რის შემდეგაც 5 ადამიანი პოლიციამ დააკავა.
