,,ქართული ოცნების” ლიდერი, გია ვოლსკი ამბობს, რომ არ შორდება აზრი, რომ ოპოზიციას არჩევნების ჩატარება არ უნდა, რადგან მაინც პოლიტპატიმრებზე საუბრობენ, ,,რომელთაც არანაირი ნიშანი პოლიტიკური პატიმრობისა არ გააჩნიათ”.
,,მე პირადად არ მშორდება ის აზრი, რომ ამათ არ უნდათ არჩევნების ჩატარება, არ უნდათ შეთანხმების შესრულება, რომელიც ეხება საარჩევნო სისტემას. იმიტომ მრჩება ეს შთაბეჭდილება, რომ ყოველ წუთას, მაინც პოლიტიკურ პატიმრებზე აქვთ საუბარი, რომლებსაც არანაირი ნიშანი პოლიტიკური პატიმრობისა არ გააჩნიათ”, – აცხადებს ვოლსკი.
8 მარტს ოპოზიციამ და ხელისუფლებამ ორ მემორანდუმს მოაწერა ხელი. ერთ-ერთი მართლსაჯულების სისტემას ეხება, რომელიც, ოპოზიციის განცხადებით, პოლიტიკური პატიმრების გათავისუფლებასა და პოლიტიკური დევნის შეწყვეტას ითვალისწინებს.
შეთანხმებაზე ხელმომწერი ოპოზიციონერების თქმით, ირაკლი ოქრუაშვილის, გიორგი რურუას და ბესიკ თამლიანს სავარაუდოდ აღკვეთის ღონისძიება შეეცვლებათ, გიგი უგულავას კი სალომე ზურაბიშვილი შეიწყალებს. მათ
ამის შესახებ მათ მემორანდუმშიც ჩაწერეს. ,,თუ მე ჩავთვლი, რომ შეწყალება უნდა შედგეს, მივიღებ შეწყალების აქტს”- ამბობს ზურაბიშვილი უგულავაზე.
