არასამთავრობო ორგანიზაციის წევრებმა „ევროპელი სტუდენტები თავისუფლებისთვის” პარლამენტის შენობის წინ კარავი გაშალეს. ორგანიზაციის ერთ-ერთი წევრის დაჩი იმედაძის განცხადებით, მათ კარავში 29 ნოემბრიდან საგანმანათლებლო აქტივობები განხორციელდება.
“აქ ჩვენი ოფისი გავაკეთეთ და გარკვეული დროით გადმოვცხოვრდით. ჩვენ ამ კარავში ძალიან საინტერესო აქტივობებს ვგეგმავთ. მოვიწვევთ სპიკერებს, პოლიტიკურ ლიდერებს, იქნება პოლიტიკური აქტივობები, ქვიზები და პოდკასტები. ჩვენი ძირითადი მიზანი თავისუფლების გავრცელება და მასზე საუბარი იქნება. ეს იქნება პროტესტის ერთ-ერთი კერა და გვინდა, რომ ამ მიტინგებს გარკვეულწილად სახე შევუცვალოთ და ცოტათი უფრო ინტელექტუალური გავხადოთ. ჩვენ რუსთაველს უფრო საინტერესო ადგილად ვაქცევთ”,-განაცხადა დაჩი იმედაძემ.
აღსანიშნავია, რომ ორგანიზაციის წევრებს სამართალდამცავები დღის პირველ ნახევარში კარვის გაშლის საშუალებას არ აძლევდნენ.
