ცენტრალური საარჩევნო კომისია მუშაობის საგანგებო რეჟიმზე გადადის. ცესკო-ში გამართულ შემაჯამებელ ბრიფინგზე განაცხადეს, რომ ხვალინდელი შუალედური არჩევნებისთვის მზად არიან.
დარღვევებზე რეაგირებისთვის იმუშავებს ცესკო-ს ცხელი ხაზი. 19 მაისის არჩევნებზე უბნებზე დამკვირვებლების უპრეცედენტო რაოდენობა იქნება.
„არჩევნები 410 საარჩევნო უბანზე ჩატარდება, სადაც ჯამში რეგისტრირებულია 402 091 ამომრჩეველი. 19 მაისის არჩევნებზე მონაწილე საარჩევნო სუბიექტების მიერ რეგისტრირებულია დაკვირვების უფლების მქონე 6 ათას 556 წარმომადგენელი. ზუგდიდის საოლქო საარჩევნო კომისიაში იყო შესული საჩივრები. არცერთი მათგანი არ არის პროცედურული ხასიათის. ძირითადი მოთხოვნა არის ადმინისტრაციული, შესაბამისად, კანონმდებლობის თანახმად, მათ განხილვას აქვს შესაბამისი ვადები და განხილვა მოხდება შესაბამის ვადებში,“ – განაცხადა ცესკო-ს სპიკერმა, ანა მიქელაძემ.
