ბათუმელი ექიმები კოლეგის უფლებების დასაცავად ერთიანდებიან. ისინი მხარდაჭერას უცხადებენ, რეფერალური საავადმყოფოს ექიმს ეკა ფუტკარაძეს, რომელმაც რამდენიმე დღის წინ უფლებამოსილება შეიჩერა.
მიზეზი 29 წლის პაციენტის მელანო ფუტკარაძის გარდაცვალებაა. მისი ოჯახი პაციენტის გარდაცვალებაში ექიმს ადანაშაულებს. მედიკოსების განმარტებით კი, ეკა ფუტკარაძე ექოსკოპისტია და მომხდარზე პასუხისმგებელი ვერ იქნებოდა. მისი კოლეგები უდანაშაულობის პრეზუმფიის დაცვასა და ობიექტურ გამოძიებას ითხოვენ.
