ვაშინგტონი თურქეთს აფრთხილებს, თუ რუსულ C-400-ს შეიძენს ამას სერიოზული შედეგები მოჰყვება. განცხადება პენტაგონში მას შემდეგ გაკეთდა, რაც ანკარამ C-400 ტიპის რუსული საზენიტო სარაკეტო სისტემების შესყიდვა დაადასტურა და მათი განლაგების თარიღი დააანონსა. ვაშინგტონში აცხადებენ, რომ რუსული შეიარაღების შესყიდვის გამო, ანკარას შეერთებულ შტატებთან და ნატოსთან თანამშრომლობის სფეროში შეზღუდვები დაუწესდება. თურქეთი ვეღარ შეიძენს ამერიკულ მოიერიშეებს და პატრიოტის ტიპის საზენიტო სარაკეტო სისტემებს. შტატების მხრიდან არსებული წინააღმდეგობის მიუხედავად, ანკარა რუსეთისგან საზენიტო-სარაკეტო დანადგარ C -400-ის ყიდვას კვლავ აპირებს. როგორც 8 მარტს თურქეთის თავდაცვის მინისტრმა განაცხადა, სისტემის განთავსება ქვეყანაში 2019 წლის ოქტომბერში დაიწყება.
