აჭარის ტელევიზიის დირექტორის შესარჩევი კონკურსი ჩაიშალა. განმეორებითი წილისყრის დროს ისევე, როგორც პირველ ტურში, ხმები ამგვარად გადანაწილდა: მერაბ წულუკიძე – 2 ხმა, ბაჩო გურაბანიძე – 1 ხმა, ირმა ზოიძე – 1 ხმა, ნათია ზოიძე – 1 ხმა.
თუკი მრჩეველთა საბჭო განმეორებითი წილისყრითაც ვერ ირჩევს დირექტორს, ასეთ შემთხვევაში, ხელახლა ცხადდება კონკურსი.
მაუწყებლის დირექტორატს განმეორებითი კონკურსის გამოსაცხადებლად მრჩეველთა საბჭოს რიგგარეშე სხდომა 3 ივნისს გაიმართება.
შეგახსენებთ, რომ აჭარის ტელევიზიისა და რადიოს დირექტორის ადგილი 19 აპრილიდანაა ვაკანტური, როცა მრჩეველთა საბჭომ ნათია კაპანაძე თანამდებობიდან გადააყენა.
