ავსტრალიაში, ქუინსლენდის შტატში თოვლი მოვიდა. ამის შესახებ ინფორმაციას ბიბისი ავრცელებს.
მეტეოროლოგიური სამსახურის შეფასებით ეს იშვიათი მოვლენაა. ავსტრალიის სუბტროპიკულ ნაწილში ბოლოს 2015 წელს მოთოვა.
თოვლის გარდა პრობლემები შექმნა ქარბუქმა, რის გამოც მოსახლეობას სიფრთხილისკენ და სახლებში დარჩენისკენ მოუწოდეს. მეტეოროლოგების პროგნოზით ქარი კიდევ უფრო გაძლიერდება.
ავსტრალიაში ივნისი ზამთრის დასაწყისად ითვლება, მანამდე კი ავსტრალიელებს ცხელი ზაფხული ჰქონდათ.
