ავსტრალიელი მეცნიერები ამტკიცებენ, რომ მათ მოახერხეს გაერკვიათ კონკრეტულად როგორ ებრძვის ადამიანის იმუნური სისტემა კორონავირუსს. მათი კვლევის შედეგები დღეს ჟურნალ Nature Medicin–ში გამოქვეყნდა. კვლევა აჩვენებს, რომ ახალი ვირუსული ინფექციის დაძლევის მექანიზმი პრაქტიკულად არ განსხვავდება ჩვეულებრივ გრიპთან ბძროლისგან.
ეს კი იმას ნიშნავს, რომ კვლევა დაეხმარება კორონავირუსის ვაქცინის შემუშავების პროცესს.
ამ მომენტისთვის მთელ მსოფლიოში კორნავირუსით დაინფიცირების 190 000–ზე მეტი შემთხვევაა დადასტურებული. უკვე გარდაიცვალა 7500 ადამიანი.
“ეს აღმოჩენა მნიშვნელოვანია იმით რომ ჩვენ პირველად მივხვდით დანამდვილებით, როგორ ებრძვის ჩვენი ორგანიზმი კორონავირუსს“ –ამბობს კვლევის თანაავტორი, პროფესორი კეტრინ კედზირსკა.
ბევრი ექსპერტი დადებითად გამოეხმაურა კვლევას, რომელიც მელბურნის ინფექციის და იმუნიტეტის ინსტიტუტში ტარდებოდა.
რა აღმოაჩინეს მეცნიერებმა:
Covid-19–ით დაინფიცირებული ადამიანების უმრავლესობის გამოჯანმრთელება ნათლად მეტყველებს იმაზე, რომ ადამიანის იმუნურ სისტემას ვირუსის წინააღმდეგ ეფექტური ბრძოლა შეუძლია.
თუმცა, კონკრეტულად როგორ ხდება ეს ბრძოლა? სწორედ ეს დაადგინეს ავსტრალიელმა მეცნიერებმა, რომლებმაც ამ ბრძოლაში მონაწილე იმუნური უჯრედების ოთხი ტიპი გამოავლინეს.
კვლევაში მოხალისეები მონაწილეოდნენ, რომლებიც მანამდე ჯანმრთელობას არ უჩიოდნენ და რომელთაც ვირუსი მსუბუქი ფორმით გადაიტანეს.
ამგვარად, ავსტრალიის ერთ–ერთ საავადმყოფოში მოხვდა 47 წლის ქალი უხანიდან, რომელიც 14 დღეში გამოჯანმრთელდა.
ბიბისისთან ინტერვიუში პროფესორი კერძირსკა ამბობს, რომ მკვლევარებმა ამ პაციენტის იმუნური სისტემის რეაქცია სრულად შეისწავლეს.
სამი დღით ადრე, სანამ გამოჯანმრთელებას დაიწყებდა ქალის სისხლში სპეციფიური უჯრედები შენიშნეს. მეცნიერის თქმით, სწორედ ეს უჯრედები ჩნდება გამოჯანმრთელებამდე ცოტა ხნით ადრე, ანუ ზუსტად იგივე პერიოდში ჩვეულებრივი გრიპით დაინფიცირებულებს.
ფოტოებზე ჩანს როგორ სუფთავდება დაავადებულის ფილტვები იმუნური უჯრედების გამოჩენის შემდეგ
პროფესორი ამბობს, რომ ძალიან გაახარა ამ შედეგებმა და იმ ფაქტმა, რომ მათ შეძლეს დაინფიცირებულ პაციენტებში კლინიკურ გამოჯანმრთელებამდე იმუნური უჯრედების გამოჩენის დაფიქსირება. ათობით მეცნიერი ოთხი კვირის განმავლობაში 24 საათის განმავლობაში ატარებდა ანალიზებს ამ შედეგის მისაღწევად.
როგორ შეიძლება ამან გავლენა იქონიოს კორონავირუსთან ბრძოლაზე?
“როდესაც იცით რა მომენტში ამოქმედდება იმუნური უჯრედები შეგიძლიათ განსაზღვროთ განკურნების რა სტადიაზეა პაციენტი“– ამბობს პროფესორი ბრიუს ტომპსონი.
თავის მხრივ, ავსტრალიის ჯანდაცვის მინისტი, გრეგი ხაზს უვამს, რომ აღმოჩენამ შეიძლება კორონავირუსის ვაქცინისა და სამკურნალო პრეპარატების შემუშავება დააჩქაროს.
კვლევის ავტორებს კი უკვე ახალი ამოცანა აქვთ დასახული: გაარკვიონ, რატომ რეაგირებს მძიმე შემთხვევებში იმუნური სისტემა სუსტად დაავადების წყაროზე. მათ უნდათ მიხვდნენ, რით განსხვავდებოდნენ გარდაცვლილი ან მძიმედ დაავადებული პაციენტები დანარჩენებისგან და ამის შედეგად შეიმუშავონ მათი გადარჩენის მეთოდი.
