საზარელი ავარია ჩაქვში-რამდენიმე წუთის წინ, ჩაქვისთავში ავტოსაგზაო შემთხვევა მოხდა, სავარაუდოდ ავტომობილში 5 ადამიანი იმყოფებოდა. ინფორმაციას “აჭარის ტელევიზია” ავრცელებს.
თვითმხილველების თქმით, ავტომობილი ხრამში 10 მეტრი სიმაღლიდან გადავარდა და მანქანაში მყოფი პირები არიან დაღუპულებიც, თუმცა სასწრაფო სამედიცინო სამსახურში ამ დროისთვის არ ადასტურებენ გარდაცვალების ფაქტს, ამბობენ რომ ადგილზე 2 სასწრაფო დახმარების ბრიგადა გავიდა.
თვითმხილველები ასევე ამბობენ, რომ სავარაუდოდ 4 გარდაცვლილი პირი ტურისტია, თუმცა ოფიციალური ინფორმაცია ამის შესახებ ჯერ შს სამინისტროში არ დაუდასტურებიათ.
