დიდი ხანია ვრცელდება ინფორმაცია, რომ ივანიშვილი მთავრობის ცვლილებას გეგმავს. ცვლილებების დრო როგორც ჩანს უკვე მოვიდა. სარწმუნო წყაროს ინფორმაციით რამდენიმე დღეში ახალი მთავრობის შემადგენლობა მას შემდეგ დასახელდება, რაც პარლამენტი საშემოდგომო სესიას დაიწყებს, ანუ სექტემბრის პირველივე კვირას. შესაძლოა უფრო ადრეც. გადაწყვეტილია, რომ პრემიერის პოსტზე გახარიას წარადგენენ. შს მინისტრად კი ირაკლი ღარიბაშვილს. ეს ინფორმაცია რამდენიმე წყარომ დაადასტურა. დღეს კი გავრცელდა ინფორმაცია, რომ პრემიერ მინისტრი, რომელიც მასწავლებლებს შეხვდა და ხელფასების გაზრდას დაპირდა, ღონისძიების დასრულების შემდეგ პირდაპირი ჩართვის ჯგუფს დაემშვიდობა. როგორც ჩანს პრემიერს პოსტის დატოვებამდე აღარ მოუწევს ისეთ ღონისძიებაში მონაწილეობა, რომელსაც პირდაპირი ჩართვის უზრუნველყოფა დაჭირდება.
