შშმ პირები ზღვაში შესვლას სპეციალური ტივტივა ეტლ-სავარძლებით შეძლებენ. ბათუმის ბულვარის ადმინისტრაცია სპეციალური საჭიროების მქონე პირთათვის საცურაო ტივტივა ეტლებს შეიძენს.
სატენდერო დოკუმენტაციის თანახმად, ადაპტირებული საპლაჟე ინფრასტრუქტურის მოწყობისთვის 5 საცურაო ტივტივა ეტლ-სავარძლის შეძენა იგეგმება.
ტენდერში კონკრეტული კრიტერიუმებია განსაზღვრული, რასაც ეტლ-სავარძელი უნდა აკმაყოფილებდეს. მისი წონა 32 კგ უნდა იყოს, მისი ტვირთამწეობა კი არაუმეტეს 130 კილოგრამს უნდა შეადგენდეს. ეტლ-სავარძლის კონსტრუქცია ალუმინისა და უჟანგავი მეტალისგან უნდ აიყოს აწყობილი.
სავარძლისთვის აუცილებელი კრიტერიუმია უსაფრთხოების ღვედის არსებობა და ანტიალერგიული ქსოვილი.
შშმ პირებზე ადაპტირებული საცურაო ტივტივა ეტლების შესაძენად ბიუჯეტიდან 41 525 ლარია გამოყოფილი.
კონკრეტულად როდის შეძლებენ შშმ პირები სპეციალური ტივტივა სავარძლებით სარგებლობას, ამ ეტაპზე ზუსტი დრო უცნობია.
