ბათუმის ყოფილ მერს, გიორგი ერმაკოვს 7 წლით თავისუფლების აღკვეთა მიესაჯა.
გადაწყვეტილება მოსამართლე დავით მამისეიშვილმა 27 იანვარს მიიღო. სასამართლომ საქმეზე დაკავებული ბათუმის მერიის ყოფილი მაღალჩინოსანი, არჩილ ვანაძე უდანაშაულოდ ცნო, ეგრასლან ლომაძეს კი ერთი წლით და 6 თვით პატიმრობა მიუსაჯა.
წინა წლის 30 მაისს დიდი ოდენობის თანხის მართლსაწინააღმდეგოდ გაფლანგვისა და სამსახურეობრივი უფლებამოსილების ბოროტად გამოყენების ფაქტებზე, ბათუმის მერიის 7 მაღალჩინოსანი, მათ შორის ყოფილი მერი, გიორგი ერმაკოვი დააკავეს.
საქმე ეხება ბათუმში „იაფი სახლის” პროექტს. ბათუმის მერიამ შემსრულებელ კომპანიას ავანსის სახით მილიონ ლარზე მეტი გადაურიცხა, კომპანია გაუჩინარდა, პროექტი კი არ შესრულდა, რაზეც გამოძიება დაიწყო.
