ბათუმის ახალ ბულვარში 3 ტურისტის დაჭრაში მხილებული პირი არასრულწლოვანია.
შსს-ს ცნობით, 2001 წელს დაბადებულმა საქართველოს მოქალაქემ 3 უცხო ქვეყნის მოქალაქე ცივი იარაღით
ახალ ბულვარში, მოცეკვავე შადრევნების მიმდებარე ტერიტორიაზე დაჭრა.
დაჭრილები ბათუმის რეფერალურ საავადმყოფოში გადაიყვანეს. ორმა მათგანმა უკვე დატოვა კლინიკა, მათი ჰოსპიტალიზაცია საჭირო არ გამხდარა, ერთს კი ოპერაცია ჩაუტარდა.
გამოძიება სისხლის სამართლის კოდექსის 117-ე მუხლით დაიწყო – ჯანმრთელობის განზრახ მძიმე დაზიანება.
