ბათუმში საცხოვრებელი კორპუსის მეექვსე სართულიდან 9 წლის ბავშვი ლიფტის შახტაში ჩავარდა.
დაშავებული ბათუმის დედათა და ბავშვთა სამედიცინო ცენტრშია გადაყვანილი.
ექიმების ინფორმაციით, მისი ჯანმრთელობის მდგომარეობა მძიმეა.
ადგილზე სამართალდამცავები იყვნენ მობილიზებული.
როგორც საქართველოს შინაგან საქმეთა სამინისტროში აცხადებენ, ფაქტზე გამოძიება “სისხლის სამართლის კოდექსის” 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
