ბათუმში ცეცხლსასროლი იარაღით ახალგაზრდა მამაკაცი დაჭრეს. დაშავებული ბათუმის ერთ-ერთ საავადმყოფოშია გადაყვანილი. თვითმხილველების ინფორმაციით, მამაკაცი ფეხის არეშია დაჭრილი და მის სიცოცხლეს საფრთხე არ ემუქრება. მომხდარის მიზეზი ჯერჯერობით უცნობია. ამ დროისთვის შემთხვევის ადგილზე ნაპოვნია მსუბუქი ავტომანქანა, რომელსაც ცეცხლსასროლი იარაღის კვალი ეტყობოდა. შსს-ს ინფორმაციით, გამოძიება ორი – ჯანმრთელობის განზრახ მძიმე დაზიანების და ცეცხლსასროლი იარაღის უკანონო შეძენა-შენახვის მუხლებით მიმდინარეობს.
