ბათუმში, კობალაძის 15 ნომერში მდებარე 22 სართულიან ახალაშენებულ საცხოვრებელ სახლში სატვირთო ლიფტი მესამე სართულიდან ჩაწყდა.
ლიფტში 9 ადამიანი იმყოფებოდა. ინციდენტის შედეგად რამდენიმე ადამიანმა დაჟეჟილობა მიიღო, ერთი კი დაშავდა.
22 სართულიანი კორპუსი ახალაშენებულია და ჯერ საბოლოოდ არ დასრულებულა, თუმცა იქ უკვე 30-მდე ოჯახი ცხოვრობს. მაცხოვრებლები სატვირთო ლიფტით სარგებლობენ, რომელსაც კარი არ აქვს. როგორც ლიფტში მყოფი ერთ–ერთი მოქალაქე ამბობს, მათ არწმუნებდნენ, რომ ლიფტი უსაფრთხო იყო და მათ ლიფტი თვითნებურად არ აუმუშავებიათ. სახლის მაცხოვრებლები მომხდარზე პასუხისმგებლობას სამშენებლო კომპანიას აკისრებენ.
