ლადო ბედუკაძე სცემეს – რუსთავი 2 -ის ინფორმაციით, ციხის კადრების ავტორზე თავდასხმა თბილისში, რუსთაველის გამზირზე მოხდა. ამავე წყაროს ცნობით, ბედუკაძეს ყოფილმა პატიმარმა სცემა, რომელიც სასჯელს იმ პერიოდში იხდიდა, როცა ციხის კადრების ავტორი ბადრაგად მუშაობდა.
ლადო ბედუკაძე ალადაშვილის კლინიკიდან უკვე გაწერეს. ექიმის თქმით, მისი მდგომარეობა დამაკმაყოფილებელია. ალადაშვილის სახელობის კლინიკაში იყო გადაყვანილი ასევე ჩხუბში მონაწილე მეორე პირი. მედიკოსების განმარტებით, დაზიანებები ორივე პაციენტს ძირითადად სახის მიდამოებში ჰქონდა.
