ეკა ბესელიასა და მისი ყოფილი თანაგუნდელების დაპირისპირება ყოველდღიურად მწვავდება. პოლიტიკოსის პირადი ცხოვრების ინტერნეტში ხელახლა გავრცელების შემდეგ ეკა ბესელიამ ოფიციალური განცხადება გაავრცელა და ყოფილი თანაგუნდელები მორალური ტერორის მონაწილეებად დაასახელა:
“მორალური ზღვარი გადის ყველგან… ეს ზღვარი თუ წაიშალა წალეკავს ყველაფერს…ამიტომაც ყველგან დასაცავია!!! სხვაგვარად აიზილება ტყუილ -მართალი, კეთილი და ბოროტი… არ შემიძლია არ დავწერო მოკლედ ის, რაც ასევე მორალური ტერორის ნაწილია.
დაუცველობის განცდა უჩდებათ ადამიანებს, როდესაც ხედავენ რამდენჯერ განხორციელდა პირადი სივრცის ხელყოფა , უკანონო ჩანაწერების გავრცელება და ისევ არ ჩანს ამ ყველაფრის ორგანიზატორი …. მაგრამ მაშინვე ჩდებიან საჯარო კომენტარებით მათიკაშვილ-ოხანაშვილ -კილაძეები .. (ყველას გვარს რა ჩამოთვლის…კოლექტიური ტერორისტები) მათი კომენტარები ისეთი ამაზრზენია, რომ განცდა გრჩება ამ მორალური ტერორის მონაწილეები თავადაც არიან….უხარიათ…ვერ მალავენ შურისძიების სურვილს, ვერ ახერხებენ ასეთ დროს მაინც თავშეკავებას თავდასხმისგან….
მედიას მინდა ვთხოვო ისევ, მათ დიდი გავლენა აქვთ საზოგადოებრივი აზრის ფორმირებაზე:
ნუ შეუწყობთ ირიბად და უნებლიედაც კი- განმეორებით ვიქტიმიზაციას ხელს და ნუ მისცემთ საშუალებას მორალურ ტერორისტებს საჯაროდ განახორციელონ ეს ბოროტება… კითხვა დაუსვით კილაძეს როცა დახურულ მასალებს ასაჯაროებს ღია ეთერში , საიდან უნდა ქონდეს მოწმეს ეს მასალები ნანახი, როცა ამის უფლება არა აქვს კანონით და რატომ არ რეაგირებს საგამოძიებო უწყება როდესაც საჯაროვდება დახურული მასალები? აღარაფერს ვამბობ ამ სიცრუის და ცილსიწამების დასურულებელ სერიალზე რაც მოედინება…არ ვთვლი პასუხის ღირსად მათ ვისაც არა აქვთ ღირსება!!! დაე საზოგადოებამ განსაჯოს, დაინახოს, გააცნობიეროს რა ხდება და სახელი დაარქვას!
მე მინდა გაჩვენოთ, რომ ქალის დამარცხება ამ მეთოდებით შეუძლებელია- როცა ის იბრძვის სიმართლისა და სამართლიანობისთვის ! მე მინდა დაიჯეროთ რომ შეუძლებელია გატეხო ქალი, როცა ის იბრძვის სხვათა დასაცავად და სამშობლოს უკეთესი მომავლისთვის !!!
მე ვეცდები ეს საკუთარი მაგალითით დაინახოთ და დაიჯეროთ !!!
იოლია?- არა! არაა იოლი , მაგრამ შესაძლებელია …. !!!
ადამიანის ღირსება მის არჩევანშია! მე ბევრი წლის წინ გავაკეთე ეს არჩევანი თავისუფლებისა და სამართლიანობისთვის !
მჯერა რომ მარტო არა ვარ და ბევრნი ვართ!!!“ – წერს ეკა ბესელია
კოლექტიურ ტერორიზმში ბრალდებულებმა ყოფილ თანაგუნდელის ბრალდებებს სამარცხვინო და ამაზრზენი უწოდეს. გზავნილი კობახიძე-მდინარაძის ჯგუფს დღესაც ერთი ჰქონდათ, რომ ეკა ბესელიასთან დისკუსიაში შესვლას არ აპირებენ. მათი თქმით, „ქართული ოცნების“ ყოფილი წევრი ამ საქმესაც პოლიტიკური მიზნისთვის იყენებს.
საპარლამენტო უმრავლესობის წევრების პასუხები კიდევ ერთი დასტურია ე.წ. განდგომილი დეპუტატებისთვის, რომ ეკა ბესელიას მორალური ტერორის უკან სწორედ პოლიტიკური ინტერესი დგას. ქალი დეპუტატის მიმართ ამორალური მეთოდებით ბრძოლის გამო დღეს რეაგირება ლევან გოგიჩაიშვილმა პარლამენტის გენდერული თანასწორობის საბჭოს და მის ხელმძღვანელს, თამარ ჩუგოშვილს მოსთხოვა.
პარლამენტის თავმჯდომარის პირველმა მოადგილემ გოგიჩაიშვილსგან შენიშვნა არ მიიღო და მას მიზოგენი ანუ ქალთმოძულე უწოდა. დაპირისპირებაზე კი, რომელიც ყოფილ თანაგუნდელებს შორის ამ კვირაში ხელახლა გამწვავდა, ჩუგოშვილმა თქვა, რომ ჩარევას არ აპირებს.
ეკა ბესელიამ მისი პირადი ცხოვრების ამსახველი კადრების გავრცელების საქმეზე დამკვეთის ვინაობის გამოსავლენად საგამოძიებო უწყებებს ერთთვიანი ვადა მისცა.
