ორი 15 წლის გოგო ბორჯომიდან, რომლებიც ხუთშაბათს დღის პირველ ნახევარში დაიკარგნენ და რომლებსაც მთელი დღე ეძებდნენ პოლიციამ ზესტაფონში გვიან ღამით იპოვა.
გოგოები მეცხრე კლასის მოსწავლეები იყვნენ. ისინი დილით გაუჩინარდნენ. მშობლებმა და სკოლის ადმინისტრაციამ პოლიციას მას შემდეგ მიმართა, რაც ბავშვები დილით სკოლაში არ მივიდნენ. მათი მობილური ტელეფონები და მაისური ბორჯომის ერთ-ერთ ქუჩაზე მიტოვებულ შენობაში იპოვეს, რის შემდეგაც გაჩნდა ეჭვი, რომ ისინი შესაძლოა გაიტაცეს. შსს–ს ინფორმაციით გოგონების ჯანმრთელობას საფრთხე არ ემუქრება. მათ ოჯახებში ამაღამ დააბრუნებენ.
გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.
