ტელეწამყვანი ნანუკა ჟორჟოლიანი სოციალურ ქსელში კომპოზიტორ გია ყანჩელის გარდაცვალებას გამოეხმაურა და მისი ქველმოქმედების შესახებ ამბავი გაიხსენა.
ტელეწამყვანი გია ყანჩელის მიერ უკანასკნელ დღეებში გაკეთებულ სიკეთეს იხსენებს და წერს, რიმ კომპოზიტორი მისი გადაცემის ნახვის შემდეგ მარტოხელა მამებს დაემარა.
“ჩემმა მეგობარმა დამირეკა და მითხრა, გია ყანჩელი დაგირეკავსო, ვაახ, როგორი ბედნიერი ვიყავი.
წინა დღით, ჩემი გადაცემა უნახავს მარტოხელა მამებზე. მათთან დაკავშირება მთხოვა და სოლიდური თანხა ჩაურიცხა სამ მამას, ამ ამბის საიდუმლოდ შენახვის სანაცვლოდ.
შემდეგ კიდევ დამირეკა ერთ გოგოზე. უკვე ვიცოდით რომ ესეც ჩვენს შორის უნდა დარჩენილიყო. ალბათ მაპატიებს გენიოსი მისი საიდუმლო რომ გავთქვი.
გენიოსი რომ იყო ჩვენ კი არა მსოფლიომ იცის, მაგრამ სწორი მოქალაქე რომ იყო, ესაა ყველაზე მნიშვნელოვანი.
მოვა დრო, ჩემს შვილიშვილებთან თავს მოვიწონებ რომ გია ყანჩელს ვიცნობდი” – წერს ნანუკა ჟორჟოლიანი.
