“ჩვენ წავედით“– რუსთავი2–ის ნიუსრუმის ფოტო ამ სათაურით საღამოს რუსთავი2-ის ფეისბუქ გვერდზე გამოქვეყნდა. რუსთავი2–ის საინფორმაციო სამსახური დღეს ჟურნალისტების უმრავლესობამ დატოვა. ეთერში დღის განმავლობაში არ გასულა არცერთი საინფორმაციო გამოშვება. არ განახლებულა ახალი ამბები არხის ვებგვერდზე და ფეისბუქ გვერდზე. არხის ჟურნალისტებმა ეს გადაწყვეტილება მას შემდეგ მიიღეს, რაც ახალმა დირექტორმა საინფორმაციო სამსახურის უფროსი და თოქშოუების წამყვანები სამსახურიდან გაუშვა. გუშინვე 9 საათიანი კურიერის პირდაპირ ეთერში დატოვეს სამსახური წამყვანებმა – დიკო ჯოჯუამ და მიშა სესიაშვილმა.
