თბილისის ცირკი 4 მაისს დაგეგმილ აქციასთან დაკავშირებით განცხადებას ავრცელებს. ცირკის ადმინისტრაცია მონაწილეებს აფრთხილებს, რომ კერძო ტერიტორიაზე შეჭრა კანონდარღვევაა. ცირკის ფეისბუქგვერდზე განმარტებულია, რომ კიბეების დასაწყისიდან ცირკის უკანა სამანქანო სადგომის ჩათვლით ცირკის საკუთრებაა.
“როგორც სოციალური ქსელებიდან იქნა ცნობილი, 4 მაისს თბილისის ცირკის ტერიტორიასთან იმართება აქცია ” #ცირკიცხოველებისგარეშე “მივმართავთ აქციის ორგანიზატორებს და მონაწილეებს.თბილისის ცირკის ტერიტორია (კიბეების დასაწყისიდან ცირკის უკანა სამანქანო სადგომის ჩათვლით) არის კერძო საკუთრება.გთხოვთ გაითვალისწინოთ , რომ კერძო ტერიტორიაზე შემოჭრა არის კანონდარღვევა.”-ნათქვამია განცხადებაში.
საუბარია ხვალ დაგეგმილ აქციაზე, რომელიც ხვალ 17:00 საათზე თბილისის ცირკთან გაიმართება. საპროტესტო აქციის მონაწილეები მოითხოვენ, საცირკო წარმოდგენებში როგორც გარეული, ისე შინაური ცხოველების გამოყენების საკანონმდებლო დონეზე აკრძალვას და, საჭიროებისამებრ, საზღვარგარეთიდან იმ პოპულარული საცირკო დასების მოწვევას, რომლებშიც არ ხდება ცხოველების გამოყენება
