საპარლამენტო ფრაქცია პატრიოტთა ალიანსის პრემიერობისა და მთავრობის წევრობის კანდიდატებთან შეხვედრა ირმა ინაშვილის გამოსვლით დასრულდა. ინაშვილმა გახარიას და მის გუნდს მოუწოდა მათი პარტიის იდეოლოგია გაიზიარონ და დაიწყონ ფიქრი სამხედრო მიუმხრომლობის იდეაზე.
“რატომ გავიხადეთ თავი ბოკერიების და სააკაშვილების იდეოლოგიის მძევლებად.
სამხედრო მიუმხრობლობაზე ვლაპარაკობთ ჩვენ. მინდა მოგიწოდოთ სერიოზულად დაიწყოთ ფიქრი ამ პლატფორმაზე.ეს არის ევროპული მოდელი, ეს არის ჟენევის, ავსტრიის, ფინეთის მოდელი, ძალიან წარმატებული მოდელები და გაწმუნებთ, რომ სამხედრო მიუმხრობლობის ეს მოდელი მხარდაჭერილი იქნება ამერიკელების მხრიდან. ყველასთვის გამოსავალი იქნება, საქართველომ რომ ეს გზა აირჩიოს. ნატოსთვისაც, რომელიც რეალურად არ გვიღებს ჩვენ. ეს უთხარით ქართველ ხალხს ღიად: ნატო თვითონ ამბობს ამას, რომ უახლოესი 20–25 წლის მანძილზე ვერ გაგვაწევრიანებს და ასპირანიტებს დონეზე როდემდე უნდა ვიყოთ ჩვენ?მინდა ვისურვო ჩემს ქვეყანაში სტაბილურობა, სიმშვიდე , პროგრესი, განვითარება, დემოკრატია თავისუფლება.
მინად მოვუწოდო ქართული ოცნების ხელისუფლების ჯანსაღ ნაწილს – ჩვენთან გადმოდით, ჩვენთან, ჩვენ ვართ მომავლი სპარტია. ასევე მინდა მივმართო ქართული ოცნების მხარდამჭერებს ვინც იზიარებთ ჩვენს სულისკვეთებას და ფასეულობებს – ასევე ჩვენი კარი ღიაა თქვენთვის.“–განაცხადა ინაშვილმა.
