სამხრეთ ოსეთის დე ფაქტო რესპუბლიკის ხელისუფლება ეგრეთ წოდებული საზღვრის ჩაკეტვის გადაწყვეტილების შესახებ იუწყება. ინფორმაციას დე ფაქტო რესპუბლიკის ინფორმაციის სახელმწიფო კომიტეტის სააგენტო „რესი“ ავრცელებს. ე.წ. საზღვრის დაკეტვას 9 მაისს, მეორე მსოფლიო ომის აღსანიშნავ ღონისძიებებს უკავშირებენ.
„უსაფრთხოების ზომების უზრუნველსაყოფად, დიდ სამამულო ომში გამარჯვების 74-ე წლისთავთან დაკავშირებით, 8 მაისის 20 საათიდან, დროებით შეჩერდება მოქალაქეთა გადაადგილება სახელმწიფო საზღვარზე“, – წერია განცხადებაში. დე ფაქტო ხელისუფლების ცნობით, გამშვები პუნქტები 10 მაისს დილის 6 საათზე გაიხსნება.
.
