პირველი პრეზიდენტის შვილი, ცოტნე გამსახურდია სამკურნალოდ სტამბოლის კლინიკაში გადაიყვანეს.
ცოტნე გამსახურდია მკურნალობას სტამბოლის ამერიკულ კლინიკაში გააგრძელებს.
ცოტნე გამსახურდია 19 დეკემბერს, საკუთარ სახლთან, ცივი იარაღით დაჭრეს. დაჭრის ფაქტზე პოლიციამ ხუთი პირი დააკავა. განზრახ მკვლელობის მცდელობისა და დანაშაულის შეუტყობინებლობის ბრალდებით დაკავებულ ოთხ პირს: ტატო ღარიბაშვილს, გიორგი სოლოღაშვილს, პეტრე ყუფარაძესა და კახა ჩხეტიანს სასამართლომ აღკვეთის ღონისძიების სახით პატიმრობა შეუფარდა. დანაშაულის შეუტყობინებლობის ბრალდებით დაკავებული თორნიკე ქვათაძე კი საქალაქო სასამართლომ აღკვეთის ღონისძიების გარეშე დატოვა და სხდომათა დარბაზიდან გაათავისუფლა.
გალის ქუჩაზე პირველი პრეზიდენტის შვილის დაჭრის საქმესთან დაკავშირებით, ყოველდღე ახალი დეტალები ირკვევა, თუმცა რადიკალურად განსხვავებული პოზიციები აქვთ როგორც დაზარალებულის, ასევე, ბრალდებულის მხარეს.
როგორც ცნობილია, ცოტნე გამსახურდიას ჯანმრთელობის მდგომარეობა კვლავ სტაბილურად მძიმეა და სხვადასხვა სახის გამოკვლევა უტარდება.
