დამოუკიდებელ ინსპექტორად ზურაბ აზნაურაშვილი აირჩიეს

დღეს იუსტიციის უმაღლესმა საბჭომ დამოუკიდებელ ინსპექტორად ზურაბ აზნაურაშვილი აირჩია.

ის თანამდებობაზე 5 წლის განმავლობაში იმუშავებს.

აზნაურაშვილი უზენაესი სასამართლოს უვადო მოსამართლეობის კანდიდატიც იყო და 144 -დან 50-კაციან სიაში მოხვდა, რომლებთან საბჭომ გასაუბრება ჩაატარა, თუმცა, 20-კაციან მოკლე სიაში ვერ შევიდა.

დამოუკიდებელი ინსპექტორის ინსტიტუტი 2017 წელს შეიქმნა და იუსტიციის საბჭოსგან დამოუკიდებლად მოსამართლის მიმართ დისციპლინური სამართალწარმოებას დაწყებისა და დისციპლინური საქმის წინასწარ შემოწმებას/გამოკვლევის უფლებამოსილება მიენიჭა.