{{ARTICLEIMAGE}}
“ევროპული საქართველოს” მიერ პარლამენტში შს მინისტრის დაბარების მოთხოვნას ხმაური მოყვა ბიუროს სხდომაზე, სადაც “ქართულმა ოცნებამ” და ოპოზიციამ ერთმანეთი ძალადობაში კიდევ ერთხელ დაადანაშაულეს. სერგი კაპანაძემ და გიგა ბოკერიამ უმრავლესობას მიმართეს, გიორგი გახარიას პარლამენტში მისვლა უზრუნველყო, რათა მინისტრისგან პასუხები მოისმინონ არჩევნების გაყალბების, წინასაარჩევნოდ მომხდარი ინცინდენტებისა და გუშინ, თელავში მიმავალი ოპოზიციის მიმართ განხორციელებული ქმედებების გამო.
“ქართული ოცნება” მიიჩნევს, რომ გუშინ სამართალდამცველები მოწოდების სიმაღლეზე იდგნენ და უმკლავდებოდნენ გაერთიანებული ოპოზიციის პროვოკაციებს. სხდომაზე დაპირისპირების საგანი გახდა თელავში დეპუტატ სოფიო ქაცარავს ავტომანქანაზე თავდასხმის შემთხვევაც, რის ორგანიზებაშიც უმრავლესობის დეპუტატებმა ირიბად რომან გოცირიძე დაადანაშაულეს
რაც შეეხება პარლამენტში შს მინისტრის დაბარებას, ამას “ქართული ოცნების” დეპუტატებიც ითხოვენ და აცხადებენ, რომ გახარიამ პასუხები უნდა გასცეს არა მხოლოდ იმ კითხვებს, რომლებიც ოპოზიციას აქვს, არამედ ოპოზიციის მხრიდან ძალადობის შესახებ დასმულ კითხვებსაც
ვიცე-სპიკერთამარ ჩუგოშვილის განცახდებით, შს მინისტრი აუცილებლად მივა პარლამენტში. მან ოპოზიციას მიუთითა, საკითხი წესის დაცვით დააყენონ.
