საქართველოს სამეფო გვარის წარმომადგენლის, ხორხე ბაგრატიონის მეუღლე და დავით ბაგრატიონის დედა, კორონავირუსით გარდაიცვალა. ამის შესახებ ინფორმაციას Presa.ge, ესპანეთში მცხოვრებ ქართველი მოქალაქის მიერ მიცემულ ინტერვიუზე დაყრდნობით წერს, რომელიც სამეფო ოჯახთან დაახლოვებულ პირია.
საქართველოს სამეფო სახლის ოფიციალური ფეისბუქგვერდი ამასთან დაკავშირებით განცხადებას აქვეყნებს, რომელსაც გთავაზობთ უცვლელად:
„საქართველოს სამეფო სახლი მწუხარებით იუწყება, რომ გუშინ, 2020 წლის 17 მარტს, გარდაიცვალა მისი უმაღლესობა პრინცესა მარია დე ლას მერსედეს ზორნოზა ბაგრატიონ-მუხრანელი.
საქართველოს სამეფო სახლის მეთაურის, მისი უმაღლესობა უფლისწული დავით ბაგრატიონ – მუხრანბატონის დედა.
პრინცესა დაიბადა ესპანეთში, ქალაქ მადრიდში 1942 წლის 2 აგვისტოს. 1968 წლის 10 მარტს იქორწინა საქართველოს სამეფო ტახტის მემკვიდრე ბატონიშვილ გიორგი (ხორხე) ბაგრატიონ – მუხრანბატონიშვილზე. სამეფო წყვილს შეეძინა სამი შვილი: მარია ანტუანეტა, ირაკლი და დავითი“, – ვკითხულობთ საქართველოს სამეფო სახლის მიერ გავრცელებულ განცხადებაში.
