8 წლის ბავშვი, რომელმაც დენის დარტყმის შედეგად 11 მარტს სხეულის მძიმე დამწვრობა მიიღო გარდაიცვალა. უბედური შემთხვევა ფოთში, ერთ–ერთი საცხოვრებელი კორპუსის ეზოში მდებარე სატრანსფორმატორო ქვესადგურში მოხდა, სადაც მაღალი ძაბვა გადის. ბავშვი ჯერ ფოთის ჰოსპიტალში გადაიყვანეს, შემდეგ კი მდგომარეობის სიმძიმიდან გამომდინარე თბილისში დამწვრობის ცენტრში, სადაც ამ დრომდე მართვით სუნთქვაზე იყო. ბავშვს სხეულის 70%–ის დამწვრობა ჰქონდა. კლინიკის ინფორმაციით ექიმების მცდელობის მიუხედავად ბავშვის გადარჩენა ვერ მოხერხდა.
