დღეს, 4 ივლისს, საკონსტიტუციო სასამართლომ გადაწყვეტილება მიიღო, რომლის მიხედვითაც ადმინისტრაციულ სამართალდარღვევად აღარ ჩაითვლება პლაკატის, ან ბანერის გაკვრა კერძო საკუთრების შემთხვევაში, როცა ამას თავად შენობის მესაკუთრე აკეთებს, ან არსებობს მისი თანხმობა.სასამართლომ ძალაში დატოვა სამართლებრივი ნორმა, რომელიც სამართალდარღვევად მიიჩნევს პლაკატის გაკვრას თვითმმართველობის ორგანოებზე, თუნდაც სპონტანური აქციის პირობებში.
საკონსტიტუციო სასამართლოს იურისტი, გიორგი ლომთაძე განმარტავს, რომ სასამართლომ პლაკატების და ბანერების დაშვება გააკეთა მხოლოდ იმ მასალებზე, რომლებიც შენობებიდან მარტივად მოსაშორებელი იქნება.
კერძო საკუთრების იერსახის დაცვის მიზნის მიუხედავად, მოსარჩელეები მიიჩნევდნენ, რომ კონსტიტუციით გარანტირებული გამოხატვის თავისუფლება იზღუდება იმ სამართლებრივი ნორმებით, რომელიც კრძალავს პლაკატების, ლოზუნგებისა და ბანერების თვითნებურად განთავსებას.
