“დიდი იმედი გვაქვს, რომ ანაკლიის პორტის პროექტი განხორციელდება ამერიკული ინვესტიციით” – ელიზაბეთ რუდი

საქართველოში ამერიკის შეერთებული შტატების ელჩის მოვალეობის შემსრულებლის, ელიზაბეთ რუდის განცხადებით, შეერთებული შტატები მიიჩნევს, რომ ანაკლიის პორტი, ძალიან მნიშვნელოვანი პროექტია საქართველოსთვის. ამის შესახებ ელიზაბეთ რუდმა ჟურნალისტებთან განაცხადა.

„შეერთებული შტატები კვლავ განიხილავს ანაკლიის პორტს, როგორც საქართველოსთვის ძალიან მნიშვნელოვან პროექტს. ჩვენ დიდი იმედი გვაქვს, რომ მისი განხორციელება მოხდება, განსაკუთრებით ამერიკული ინვესტიციით,“-განაცხადა რუდმა.