ძიუდოს მსოფლიოს ორგანიზაციამ განახლებული რეიტინგი გამოაქვეყნა. რეიტინგის ტოპ-ათეულში შვიდი ქართველია დასახელებული. 5 მათგანი საქართველოს სახელის ასპარეზობს : ასპარეზობს: ვარლამ ლიპარტელიანი, გურამ თუშიშვილი, ვაჟა მარგველაშვილი, ამირან პაპინაშვილი და ლაშა შავდათუაშვილი.ორი კი, ქართული სკოლის აღზრდილი, ოღონდ უცხო ქვეყნის სახელით მოასპარეზე: ნიკოლოზ შერაზადიშვილი (ესპანეთი) და რობერტ მშვიდობაძე (რუსეთი).
პირველ ადგილზე 100 კილოგრამ წონით კატეგორიაში ვარლამ ლიპარტელიანია, მეორე მძიმეწონოსანი გურამ თუშიშვილი, მესამე პოზიციაზე კი ესპანეთის სახელით მოასპარეზე ქართველი ძიუდოისტი ნიკოლოზ შერაზადიშვილია (90 კგ).
აღსანიშნავია, რომ რამდენიმე დღის წინ მსოფლიოს საუკეთესო ძიუდოისტმა ვარლამ ლიპარტელიანმა პარიზის გრანდ სლემი კარიერაში მესამედ მოიგო.ლიპარტელიანმა ფინალში იაპონელი აარონ ვულფი ვაზარით დაამარცხა და მსოფლიოს 2017 წლის ჩემპიონატზე მარცხისთვის რევანში აიღო.
